حسینی انسائیکلو پیڈیا

تاريخ مزارات

2012-01-04T08:18:00.000-08:00

آیۃ اللہ محمد صادق الکرباسی کی صدھا تالیف کردہ کتابوں میں سے ایک کتاب تاریخ المراقد کے نام سے موسوم ہے جس کی سات جلدیں منظر عام پر آچکی ہیں، اور ان سات جلدوں میں سے صرف ایک جلد کا اردو زبان میں ترجمہ ہوا ہے، قارئیں كرام کے لئے یہ کتاب ایک ایسی نایاب کتاب ہے جس میں مصنف نے ائمہ علیہم السلام کے مزارات سے مربوط تمام مسائل کو جمع کیا ہے.
ہم نے قارئین کی سہولت کے پیش نظر اس کتاب کو مندرجہ ذیل سائٹ پر درج کردیا ہے تاکہ تمام مومنین کو اس کتاب تک دسترسی حاصل ہوجائے.

ملتمس دعا
دفتر آیت اللہ محمد صادق الکرباسی
مملکت متحدہ
لندن

http://www.minhaj-ul-hussain.org/islamicbooks.htm

http://www.minhaj-ul-hussain.org/islamicbooks/Taeekh%20Mazarat%20Vol-01/Taeekh%20Mazarat%20Vol-01.htm

HE Online

2011-03-17T05:52:00.000-07:00

To view these websites please click on the links below:
Amazon – www.amazon.co.uk/
Waterstones – www.waterstones.co.uk/
WHSmith – www.whsmith.co.uk/
BOOKS etc – www.booksetc.co.uk/
Blackwell’s – www.blackwell.co.uk/
Bookstore.co.uk – www.bookstore.co.uk/
Pickabook – www.pickabook.co.uk/

حسینیؑ انسائیکلو پیڈیا پر ایک طائرانہ نگاہ

2011-02-17T02:55:00.003-08:00

حسینیؑ انسائیکلو پیڈیا پر ایک طائرانہ نگاہ

* اس مجموعے کو حضرت امام حسین علیہ السلام کی شخصیت، سیرت، فکر اور راہ عمل کے تعین کے بارے میں مرتب کیا گیاہے اور ساتھ ہی اس کا دائرہ امام حسین ؑ کی ذات سے متعلق دوسری شخصیات، تواریخ اور مختلف موضوعات تک وسیع کردیا گیاہے۔

* اسکے مؤلف محترم آیت اللہ شیخ محمد صادق بن محمد بن ابی تراب (علی) بن محمدجعفر بن محمد ابراہیم بن محمد حسن کرباسی اشترنخعی ہیں۔
* مؤلف نے اپنے کام کا آغاز اس ذات (پیغمبر آخر الزمانؐ) کے اس قول سے کیا ہے جو اپنی خواہش سے کوئی بات نہیں کرتی کہ ’’الحسین ؑ منی و انا من الحسینؑ ‘‘حسینؑ مجھ سے ہیں اور میں حسینؑ سے ہوں۔
* اس کام کا آغاز گیارہ محرم 1408ھ بمطابق 5ستمبر 1987 ء کی شب میں کیاگیا اور یہ سلسلہ تحریر ابھی تک جاری و ساری ہے۔
* اس کا ہدف ابھی تک پانچ سو جلدوں کی تحریربلکہ اس سے بھی زیادہ کاہے۔(اب تک مرتبہ جلدوں کی تعداد750ساڑھے چھ سو سے تجاوز کر چکی ہے۔(
* یہ مجموعہ 95ملین یا ساڑھے نو کروڑ الفاظ سے زیادہ پرمشتمل ہوگا۔
* جن معلومات کا تعلق حضرت امام حسین علیہ السلام کی ذات سے ہے انہیں نقل کرنے میں کسی مکان اور زبان کی کوئی پابندی روانہیں رکھی گئی۔
* یہ مجموعہ ویسے تو عربی زبان میں مرتب کیا گیا ہے لیکن اس کی بعض جلدوں کا کئی دوسری زبانوں میں بھی ترجمہ کیا گیاہے۔
* اس کا رابطہ ’’انٹر نیٹ‘‘ سے قائم کردیاگیاہے۔
* بنیادی طورپر یہ ایک انفرادی کارنامہ ہے لیکن اسکے باوجود مؤلف علامہ کی خواہش ہے کہ صاحبان علم و بحث ، محققین ،شعراء ،ادباء اور صحافی حضرات ان کے ساتھ تعاون فرمائیں۔ چونکہ خدا وند تبارک و تعالیٰ کسی کے نیک عمل کو ضائع نہیں کرتا ،لہٰذا مؤلف محترم نے بھی اپنے اوپر لازم قراردیا ہے کہ وہ ان تمام لوگوں کا باقاعدگی سے ذکرکریں جو خصوصیت کے ساتھ اس بارے میں تعاون فرمائیں گے۔
* ہر اہم باب یا فصل کی ابتدا مسجع دعائیہ کلمات سے کی گئی ہے جو تین سطروں پر مشتمل ہے اور جن میں حمد باری تعالیٰ ،خاتم الانبیاء محمد مصطفی صلی اللہ علیہ وآلہ وسلم پر درود اور آپؐ کی آل اطہار ؑ پر سلام بھیجا گیا ہے اور یہ کیفیت تقریباً ایک سو مقامات پر موجودہے۔
* ہر جزو کا آغاز قرآن مجید سے منتخب چند آیات سے کیا گیا ہے جس میں خدا کی حمد، پیغمبر اکرم صلی اللہ علیہ وآلہ وسلم اور آپ ؐ کی آل پاک ؑ کی ثناء موجودہے۔
* اسی طرح ہر ایک جزو کو ایسی حدیث نبوی ؐ کے ساتھ شروع کیا گیا ہے جواسلام کے دونوں مکاتب فکر (شیعہ و سنی) کے نزدیک متفقہ ہے اورحضرت سید الشہدا علیہ السلام کی ذات و صفات پرمختلف پہلوؤں سے ہمہ جہتی روشنی ڈالتی ہے۔
* ہر اہم باب یا فصل کا آغاز ایک تمہیدی مقدمہ سے ہوتاہے‘ ممکن ہے کہ ان میں سے ہر ایک مقدمہ یا تمام مقدمات اسی کتاب کا موضوع بن جائیں جو اس علم یا فن کی وضاحت کریں۔
* ہر اہم باب یا فصل کے اختتام پر اس کا نتیجہ خاص اہتمام کے ساتھ ذکر کیا گیا ہے۔
* ہر جزو کے آخر میں اس کا خلاصہ پیش کیا گیاہے ،جس میں ان علمی شخصیات کا ذکر کیا گیا ہے ۔جن کا ذکر اصل کتاب میں انکے دینی ،مذہبی یا کسی اور حوالے سے کیا گیا ہے اوریہ خلاصہ جات جب یکجا کر لئے جائیں گے تو ممکن ہے کہ وہ ایک سے زیادہ جلدوں کی صورت اختیار کرلیں۔
* ہر باب کو کئی ایک اہم اور بنیادی فصلوں پر تقسیم کیا گیاہے اور سہولت ابواب بندی اور ترتیب کے پیش نظر ہرفصل کوبھی کئی عنوانات پر تقسیم کیا گیاہے۔
* قارئین ،محققین اور بحث وتمحیص کرنیوالوں کی سہولت کے پیش نظر جہاں جہاں ممکن ہوا ، عنوانات ،شمارہ جات اور علامات کو واضح طورپر ذکر کیا گیاہے۔
* کتاب میں پیش کی جانے والی ہر نص کو جہاں پر اعراب لگانے کی ضرورت تھی، اعراب اور حرکات دے دی گئی ہیں تاکہ قارئین کو کسی قسم کی دشواری پیش نہ آئے۔
* جہاں پر ضرورت تھی ،وہاں پر نقطہ یا اسی جیسی دوسری علامتیں لگائی گئی ہیں تاکہ تحریر کے معانی ومفاہیم سمجھنے میں آسانی ہو۔
* چونکہ اس مجموعے کی تمام جلدوں کو یکجا اور ایک ہی مرتبہ طبع کرنا ممکن نہیں کیونکہ طباعت کے بعد بھی ہر ایک موضوع کے تحت اضافہ کا امکان موجود ہے۔ لہٰذا ان جلدوں کو نمبر نہیں دئیے گئے۔ ہاں البتہ اختتام طباعت پر اس کا خصوصی جدول (چارٹ) شائع کیا جائیگا۔
* اس مجموعے کا نام دوسری زندہ زبانوں میں بھی یہی ہوگا تاکہ کسی قسم کا اشتباہ یا غلط فہمی نہ پیدا ہو۔
* مؤلف محترم کا نظریہ ہے کہ اس مجموعہ کی جلدوں کی تعداد مستقبل قریب میں سات سو سے تجاوز کرجائے گی۔
* ہر قسم کی تنقیدو تقریظ کو کسی قسم کے ردوبدل کے بغیراور اسی طرح ہر قسم کی معنوی اور مادی و مالی امداد کو کسی قسم کی کمی بیشی کے بغیر کتاب میں درج کیا جائے گا اور اس مجموعے کے آخر میں شائع کیا جائے گا۔
* اس مجموعے کی تکمیل۔۔۔ بشرطیکہ مستقبل میں کوئی رکاوٹ پیش نہ آئے۔۔۔ مؤلف علامہ۔۔۔ خدا انکی عمر دراز فرمائے۔۔۔ کی زندگی پر موقوف ہے۔ البتہ ابتدائی طورپر انسانی امکانات کو دیکھتے ہوئے یہی کہا جاسکتا ہے اس میں دس سال کا عرصہ لگ سکتا ہے۔

www.hussaini-encyclopedia.com

حسینیؑ انسائیکلو پیڈیا پر ایک نظ

2011-02-17T02:55:00.001-08:00

حسینیؑ انسائیکلو پیڈیا پر ایک نظر

مقدمہ

یہ ’’دائرۃ المعارف حسینیہ ؑ ‘‘ یا ’’حسینیؑ انسائیکلو پیڈیا‘‘ دنیا کے دوسرے انسائیکلو پیڈیاز ۔۔۔دائرۃ المعارف۔۔۔ سے اہم ترین گرانقدر اور نہایت ہی عمدہ علمی مطالب اور عنوانات کی وجہ سے منفرداور ممتاز حیثیت کا حامل ہے۔ یہ پہلا عظیم علمی خزانہ ہے جو تاریخ کے ’’کم‘‘ اور ’’کیف‘‘ یعنی مقدار اور معیار دونوں کو پیش نظر رکھ کر مرتب کیا گیا ہے ۔ یہی وجہ ہے کہ مشرق اور مغرب کے اہل علم و قلم نے اسکی ایسے انداز میں توصیف و تعریف کی ہے جو صرف اسی کا حصہ قرار پائی ہے۔ ذیل میں ہم انکے اقوال سے چند ایک اقتباسات پیش کرنے کی سعادت حاصل کرتے ہیں۔
یہ ایک ایسا علمی خزانہ ہے جس کی مثال پہلے نہیں ملتی ،بڑی تیزی کے ساتھ منصہ شہود پر آیا ہے‘ اپنی مثال آپ ، باوقارہے، یہ ایک۔۔۔’’بے مثال علمی خزانہ‘‘،’’یگانہ روزگار مجموعہ ‘‘،ہونے کی وجہ سے’’یہ دائرۃ المعارف دوسروں پر فوقیت رکھتا ہے‘‘ ،’’زبردست علمی کارنامہ‘‘،‘‘معنی اور مبنٰی دونوں لحاظ سے عظیم ‘‘،’’افضل کھیتی ‘‘،’’بہت بڑا علمی خزانہ‘‘، ’’سونے سے زیادہ قیمتی ‘‘ ، ’’بلند مقاصد کا حامل‘‘،’’بے نظیر علمی حیثیت‘‘کا’’ایسا مجموعہ جو سمند ر کی طرح وسیع اور فجر کی طرح روشن ہے ‘‘،’’ماہرانہ کوشش‘‘،’’کتاب کی صورت میں خزانہ ‘‘،’’محیر العقول شاہکار‘‘،’’غیر معمولی کارنامہ‘‘،’’وسیع علمی شاہکار‘‘،’’بے نظیر کارنامہ ‘‘،’’تالیف کی تاریخ میں پہلا شاہکار‘‘،’’عظیم اور جامع مجموعہ ‘‘،’’مفید اور خوبصورت ثقافتی کردار‘‘،’’بلند مرتبہ اسلامی سرمایہ ‘‘، ’’ایسا مجموعہ جو مسلم اور غیر مسلم دونوں کے کام آسکے‘‘،’’ضخیم فکری کارنامہ ‘‘، ’’انسانی تاریخ میں سب سے پہلا شاہکار‘‘،’’ایسی محکم تحقیق اور حسینیت ؑ پر ایسا علمی مجموعہ کہ جس سے پہلے کوئی اور مجموعہ مرتب نہیں ہوا‘‘،’’بھاری بھر کم کارنامہ‘‘،’’مضامین کے لحاظ سے بے نیاز کردیتا ہے اور علمی مقصد کو پورا کرتا ہے‘‘،’’ضخیم حسینی مجموعہ‘‘ ، ’’95ملین (ساڑھے نو کروڑ) الفاظ کا مجموعہ ‘‘،’’جدید مجموعے کا شاہکار‘‘،’’بہت بڑا اسلامی انسائیکلو پیڈیا‘‘،’’ضخیم مجموعہ ‘‘ ، ’’اپنی نوعیت کا پہلا کارنامہ ‘‘،’’صدی کا معجزہ‘‘ ، ’’ ایک ایسا کارنامہ جو دوسروں سے ممتاز نوعیت کا حامل ہے‘‘،’’مختلف انداز میں پیش کیا جانے والا حسینی ؑ مجمو عہ ‘‘، ’’ عالم تحقیق و مباحث میں حقیقی طورپر سبقت لے جانے والا ‘‘،’’ ایسی ضخیم کوششوں کا مجموعہ جس سے محققین بے نیا زنہیں ہوسکتے‘‘،’’ ضخیم مجموعہ ‘‘،’’عظیم خزانہ ‘‘، ’’تاریخ میں پہلی بار‘‘،’’جدید عالمی تحریر‘‘،’’ اپنی نوعیت کاسب سے پہلا کارنامہ ‘‘، ’’ادبی و ثقافتی معجزہ ہے‘‘۔
یہ ہیں وہ الفاظ جو مختلف طبقوں کے ان صاحبان علم اور ارباب فکر کے قلم اور زبان سے نکلے ہیں جو متعدد معروف حوالوں اور کارناموں کی وجہ سے بڑی شان کے حامل اور یدطولیٰ رکھتے ہیں اور مذہبی اصول اور مختلف شعبوں سے ان کا تعلق ہے ۔چونکہ اس مجموعہ کی بہت بڑی اہمیت ہے لہٰذا اس کی صدائے باز گشت بھی بڑے وسیع پیمانے پر سنی گئی ہے۔ چنانچہ دنیا کے مختلف ملکوں میں مختلف اخبارات ورسائل نے اس کے متعلق مقالات شائع کئے ہیں۔ نشریاتی اداروں سے اسکے بارے میں خصوصی نشریات پیش کی گئیں اور مضامین ٹیلی کاسٹ ہوئے۔ جبکہ اس پر فقہا ء ، ادبا،شعراء، سیاستدانوں اور علماء نے نظم و نثر میں تقریظیں لکھیں اور خطباء و مقررین نے اسکے بارے میں خطابات اور تقاریر کیں۔ باوجودکہ ابھی تک اس کا ایک تھوڑا سا حصہ ہی چھپ کر منظر عام پر آیاتھا لیکن ان چند اجزاء نے اسکے علمی، تاریخی، فکری، سیاسی،مذہبی اور موضوعی راہ عمل کی نشاندہی کردی تھی۔
مناسب معلوم ہوتا ہے کہ ہم یہاں پر اس تعارف نامے کی طرف بھی اشارہ کریں جسے مقتدر صحافی استاد نضیر خزرجی نے 1412 ؁ھ (1992 ؁ء )میں مرتب کیا تھا۔ جبکہ وہ اس سلسلے کا پہلا قدم تھا اوردنیا کی پانچ زبانوں اردو، فارسی، انگریزی، فرانسیسی اور جرمنی میں اس کا ترجمہ شائع ہو ا تھا جبکہ خود عربی زبان میں پانچ مرتبہ شائع ہوا۔

اس میں شک نہیں کہ یہ تعارف نامہ جو اس وقت قارئین کرام کے ہاتھوں میں ہے اور جسے ماہر ادیب اور منجھے ہوئے صحافی استاد علأ زیدی نے مرتب کیا ہے‘یقیناًپہلے سے زیادہ پذیرائی حاصل کرے گا کیونکہ یہ ایک ایسے وقت میں آرہا ہے جبکہ اس مجموعہ کی بہت سی جلدیں چھپ کر منصہ شہود پر آچکی ہیں جس وجہ سے اور بھی کئی ایک معلومات بہت زیادہ واضح ہوچکی ہیں اور ممکن ہے کہ پڑھنے والوں کو اپنی وہ گمشدہ چیز مل جائے جسکی انہیں تلاش ہے کیونکہ اس میں پہلے سے زیادہ تفصیلات پیش کی گئی ہیں اس کے تراجم دنیا کی کئی ایک زبانوں میں چھپ چکے ہیں اور یقینادنیا کی دوسری کئی زندہ زبانوں میں بھی عنقریب شائع کیے جائیں گے کیونکہ بہت سے لوگ اس بات کے منتظر ہیں کہ انہیں اس مجموعے کے بارے میں ہر طرح سے مکمل مزید معلومات حاصل ہوں۔

حضرت آیت اللہ الشیخ محمد صادق کرباسی مدظلہ

یہ عظیم امانت اور بکھرے ہوئے موتی جنھیں مجلسی زمان حضرت آیت اللہ الشیخ محمد صادق کرباسی مدظلہ نے ایک خوبصورت گلدستہ میں سجا کر مظلوم کربلاسید الشہداء امام حسین علیہ السلام کی والدہ حضرت سیدہ نساء العالمین بتول عذراء فاطمہ زہرا ؑ کی خدمت میں پیش کر نے کی سعادت حاصل کی ہے اس کے مجلات کی تعداد ساڑھے سات سو سے تجاوز کر چکی ہے۔
اردو زبان میں اس تاریخی دستاویز اور علمی کارنامے کو عوام و خواص کی خدمت میں پیش کرنے کی سعادت ادارہ منہاج الحسین ؑ لاہور پاکستان کو حاصل ہوئی ہے ۔جس پر تیزی سے کام جاری ہے چار جلدوں کا اردو زبان میں ترجمہ ہوکر کمپوزنگ کے مراحل سے گزرکر طباعت کے مراحل طے کررہا ہے جس کے ترجمے کا شرف سرکار علامہ الشیخ محمد علی فاضل مدظلہ نے حاصل کیا ہے ۔اس عظیم سلسلہ کو شائع کرنے کیلئے مخیر مومنین کے ہر قسم کے تعاون کی ضرورت ہے۔ آپ اپنے مرحومین کے ایصال ثواب کیلئے کوئی بھی جلد شائع کرا سکتے ہیں۔اللہ تعالیٰ محمد و آل محمد ؑ کے صدقہ میں ہم سب کی اس کاوش کو قبول فرمائے ۔

شعبہ نشرواشاعت

ادارہ منہاج الحسین ؑ لاہور پاکستان

بسم اللہ الرحمن الرحیم(1)

الحمد للہ وسلام علی عبادہ الذین اصطفیٰ(2) ادم و نوحا وآل ابراہیم و آل عمران علی العٰلمین ، ذریۃ بعضھا من بعض واللہ سمیع علیم (3) انہ لقول رسول کریم(4) انی لکم رسول امین(5) ابلغکم رسٰلٰت ربی(6) لا اسئلکم علیہ اجرا الالمودۃ فی القربیٰ(7) وآت ذوالقربی حقہ(8) ذٰلک خیر للذین یریدون وجہ اللہ و اوالئک ھم المفلحون(9).

صدق اللہ(10) العلی العظیم(11)

شروع اللہ کے نام کے ساتھ جو بے حد مہربان نہایت رحم والا ہے۔

تمام تعریفیں اللہ کے لئے ہیں اور سلام ہو اللہ کے ان بندوں پر جنہیں اس نے برگزیدہ بنایا ہے، آدمؑ ، نوحؑ ،آل ابراہیم ؑ اور آل عمران ؑ پر۔ بعض کی اولاد بعض سے ہے یقیناًاللہ سننے اور جاننے والا ہے۔ یقیناًیہ ایک کریم رسول ؐ کا قول ہے (کہ)میں تمہارے لئے امین رسول ؐہوں، میں تم لوگوں تک اپنے رب کے پیغام کو پہنچاتا ہوں ‘ اور تم سے رسالت کا اجر اس کے علاوہ اور کچھ نہیں چاہتا کہ میرے قربیٰ اہلبیتؑ سے محبت کرو، اور اے رسول ؐ! اپنے قرابتداروں کو ان کا حق دے دو، اس لیے یہ بات ان لوگوں کیلئے بہترہے جو رضائے خدا کا حصول چاہتے ہیں اور یہی لوگ کامیاب و کامران ہیں۔
)سچ فرمایا خداوند بزرگ و برترنے۔(

قال الرسول الاعظم صلی اللہ علیہ وآلہ وسلم

’’ان الحسین ؑ مصباح ھدی و سفینۃ نجاۃ وامام خیر ویمن و عزوفخر و بحر علم و ذخر(۱۲) و صدق رسولہ الکریم

’’یقیناًحسینؑ ہدایت کے چراغ، نجات کے سفینہ،خیروبرکت اور عزت و فخر کے امام اور علم کا سمندر اور خزانہ ہیں‘‘۔

اور اللہ کے کریم رسول ؐنے (بھی)سچ فرمایا۔

___________________________________________________________
۱۔سورہ نمل/ 30 ۲۔سورہ نمل/ 59 ۳۔آل عمران/ 33-34 ۴۔الحاقہ/40 ۵۔شعراء/07 ۶۔اعراف /62
۷۔شوری/ 23 ۸۔اسراء (بنی اسرائیل)/26 ۹۔روم/ 38 ۱۰۔آل عمران/95 ۱۱۔بقرہ/ 255
)۱(۔عیون الاخبار الرضا ج۱ ،ص۶۲،اور اسی سے قریب ہے کتاب فرائدالسمطین ص۴۲

دارہ منہاج الحسین ؑ پاکستان

2011-02-17T02:54:00.000-08:00

جبکہ ادارہ منہاج الحسین ؑ پاکستان کے بانی وسرپرست اعلیٰ جناب علامہ محمد حسین اکبر جو پاکستان میں اس حسینیؑ انسائیکلو پیڈیا کی نشرواشاعت کی سرپرستی فرمارہے ہیں ۔اس پتہ پر رابطہ کیا جاسکتا ہے۔

ادارہ منہاج الحسین ؑ 301ایچ 3فیز 2شارع علی ابن ابیطالب محمد علی جوہرٹاؤن لاہور ۔پاکستان

فون:92-042-5300400-5300500

فیکس:92-042-5300432
ای میلminhajulhussain@hotmail.com
ویب سائٹhttp://www.minhaj-ul-hussain.org

النہایہ

2011-02-17T02:51:00.000-08:00

مفردات اور تفصیل

::::: اختتامیہ :::::

تعداد: ایک جلد - سیریل نمبر ۵۵۳ تا ۵۵۶

النہایہ
)اختتامیہ(
تعداد: چار جلدیں - سیریل نمبر ۵۵۳ تا ۵۵۶

مؤلف مدظلہ نے کتاب کی تمہید میں بتا یا ہے کہ جس کام کی ابتدا ہوتی ہے اس کیلئے انتہا بھی ہوتی ہے۔اور اس کلیہ کا اطلاق ہر شے پر ہوتا ہے سوائے ذات باری تعالیٰ کے جو ازلی اور ابدی ہے۔ عزاسمہ و جل شانہ۔
ہر چیز کی انتہا ہوتی ہی ہے لیکن جو چیز اہم ہے وہ یہ کہ اس کا انجام حسب منشا ہو۔اور ہر ایک شخص کی تمنا ہوتی ہے کہ اس کا انجام بخیر اور انتہا بابرکت اور سعادت ہو،کیونکہ کسی کام کا انجام ہی آثار اور اچھے تاثرات کا موجب ہوتا ہے۔
بہر حال یہ کتاب بھی دوسری کتابوں کی طرح تمہید اور خاتمہ کی حامل ہے جب کہ ان دونوں کے درمیان اصل کتاب کا موضوع شامل ہے جسے ان قسموں میں تقسیم کیا گیا ہے۔
اول: اس قسم میں مؤلف مدظلہ نے دائرۃ المعارف کے بارے میں ان تقریظوں کو درج کیا ہے جو موصوف کو موصول ہوئی ہیں۔
دوم: اس میں موصوف نے وہ مقالات درج فرمائے ہیں جو اس انسائیکلوپیڈیا کے بارے میں تحریر کئے گئے ہیں۔
سوم: غیر ملکی زبانوں میں لکھے جانے والے مقدمات۔
چہارم: دیگر مختلف امور جو خطوط یا انٹرویوز پر مشتمل ہیں۔
پنجم: اس دائرۃ المعارف کے لکھنے کے دوران مختلف حالات میں مؤلف کو حاصل ہونے والے نتائج ۔جن کی تعداد بہت زیادہ ہے اور اہمیت کے حامل ہیں۔
ششم: تنقید،اس باب کو اس لیے مخصوص کیا گیا ہے تاکہ تمام لوگ اس بارے میں کھل کر اپنی رائے کا اظہار کر سکیں۔اور اس کا تنقیدی جائزہ لے سکیں ،کیونکہ یہی چیز کمال کا موجب ہوتی ہے۔
ہفتم: مؤلف مدظلہ کے اپنے قلم سے ان کے آباؤ اجداد کے تفصیلی حالات۔
حقیقت یہ ہے کہ فصل اول و دوم کو اس وقت تک ایک جلد میں جمع کیا گیا ہے ۔تیسری ،چوتھی اور پانچویں فصل کو دوسری جلد میں ،چھٹی فصل کو تیسری جلد میں جب کہ ساتویں فصل کو مؤلف کے آباؤ اجداد کے حالات پر مشتمل ہے چوتھی جلد میں لکھا گیاہے۔
جب کہ کتاب کے خاتمہ میں الوداعیہ کلمات میں جو بعض پندونصائح پر مشتمل ہیں اور یہ بات بھی بتائی گئی ہے کہ کتاب میں بھی اضافے کی گنجائش ہے ،چنانچہ غیر ملکی مقدمات دو جلدوں کو اپنے ساتھ مخصوص کرسکتے ہیں ،جب خداوند عالم کی مہربانی سے کتاب کا کام مکمل ہو جائے گاتو ان کا عربی میں ترجمہ ہوگا ۔رہی اخبارات و جرائد اور دیگر ذرائع ابلاغ کی بات تو اس کا دارومدار اپنے وقت پر ہے۔ اسی طرح تقریظات کا معاملہ ہے۔

معجم شعراء الشرق و الغرب

2011-02-17T02:49:00.000-08:00

مفردات اور تفصیل

::::: معجم شعراء الشرق و الغرب :::::

تعداد: ایک جلد - سیریل نمبر ۵۵۲

معجم شعراء الشرق و الغرب
الناظمین فی الحسین علیہ السلام
)امام حسین ؑ کے بارے میں اشعار کہنے والے مشرق و مغرب کے شعراء کی تفصیلی فہرست(
تعداد:ایک جلد - سیریل نمبر ۵۵۲

اس کتاب کو انتقالی مرحلہ شمار کرنا چاہیے کیونکہ دائرۃ المعارف کی آخری کتاب’’النہایۃ‘‘میں اس بات کوتفصیل سے یوں بیان کیا گیا ہے کہ جب تمام زبانوں کے شعراء کے مکمل تفصیلی حالات مؤلف کے پاس جمع ہو جائیں گے تو ہر زبان کے شعراء کی تقسیم بندی کی جائے گی جو ایک مستقل کتاب کی حیثیت اختیار کر جائے گی۔اورممکن ہے کہ اس کی جلدوں کی تعداد اس قدر زیادہ ہو جائے کہ شعراء قریض کی تعداد سے بھی بڑھ جائے۔
آخر میں مشرق ومغرب کے شعراء کے دیوانوں کے بارے میں یہی کہنا ضروری معلوم ہوتا ہے کہ اس بارے میں مختلف زبانوں میں مثلاًفرانسیسی،اطالوی،اور کردی وغیرہ جیسی زبانوں کے قصائد کی ایک بہت بڑی تعداد موجود ہے ابھی تک جسے مؤلف مدظلہ متعین نہیں کر سکے کیونکہ انہیں ابھی تک یہ فرصت نہیں مل سکی کہ اس بارے میں سنجیدگی کے ساتھ کام کریں۔اور ان کے اجزاء اور جلدوں کی تعداد مقرر کر سکیں۔کیونکہ ایسے امور پر کام کرنے ابھی باقی ہیں جن میں سے ہر ایک امر کیلئے ایک ایک جلد مرتب ہو۔اس کیلئے ایک وسیع وقت کی ضرورت ہے اور مولائے کریم جل شانہ سے ہماری دعا ہے کہ وہ مؤلف مدظلہ کو اس کام کے پایہ تکمیل تک پہنچانے کی توفیق عطا فرمائے۔

دیوان الشعر الالبانی

2011-02-17T02:46:00.000-08:00

مفردات اور تفصیل

::::: جرمنی اشعار کا دیوان :::::

تعداد: ایک جلد - سیریل نمبر ۵۵۰ تا ۵۵۱

دیوان الشعر الالبانی
)جرمنی اشعار کا دیوان(
تعداد: دوجلدیں - سیریل نمبر ۵۵۰ تا ۵۵۱

اس وقت اس زبان کے اشعار کامواد مؤلف کے پاس اس قدر جمع ہو چکا ہے جو دو جلدوں کیلئے کافی ہے جب کہ اس بارے میں بحث و تدبیر کا سلسلہ جاری ہے لہٰذا اس کی جلدوں کی حدود مقرر کرنا مشکل ہے ۔کیونکہ مؤلف مدظلہ کو اس بارے میں کافی کام کرنا ہے۔سردست اس کا ایک مقدمہ تحریر کیاگیا ہے۔جس میں اس زبان کی خصوصیات ،تاریخ،ادب اور اجزا کو بیان کیا گیا ہے اور اس میں حسینیؑ اشعارکے وجود کی کیفیت کو بیان کیا گیاہے تعداد میں اضافے کی گنجائش ہے۔

دیوان الشعرالانکلیزی

2011-02-17T02:44:00.000-08:00

مفردات اور تفصیل

::::: انگریزی اشعار کا دیوان :::::

تعداد: ایک جلد - سیریل نمبر ۵۴۷ تا ۵۴۹

دیوان الشعرالانکلیزی
)انگریزی اشعار کا دیوان(
تعداد:تین جلدیں - سیریل نمبر ۵۴۷ تا ۵۴۹

مؤلف مدظلہ کے پاس اس وقت اس زبان کے اشعار کی تعداد تین جلدوں تک کی ہے اس کا بھی دوسرے دیوانوں کی مانند ایک مقدمہ اور خاتمہ ہے یقیناًاس کی جلدوں کی تعداد میں بھی اضافے کی گنجائش ہے۔

دیوان الشعرالکجراتی

2011-02-17T02:43:00.000-08:00

مفردات اور تفصیل

::::: گجراتی اشعار کا دیوان :::::

تعداد: ایک جلد - سیریل نمبر ۵۴۶

دیوان الشعرالکجراتی
)گجراتی اشعار کا دیوان(
تعداد : ایک جلد - یریل نمبر ۵۴۶

ابھی تک اس دیوان کی صحیح معلومات مہیا نہیں ہو سکی ہیں اس پر کام جاری ہے ۔تاکہ اس بارے میں پوری وضاحت کیساتھ معلومات مہیا کی جاسکیں۔سوائے ایک جلد کے کہ جس کا مواد خام مل چکا ہے اور مؤلف محترم ایک خاص فرصت کے انتظار میں ہیں تاکہ اس میں اس کام کو پایہ تکمیل تک پہنچاسکیں۔اورکتاب کی جلدوں میں اضافے کی گنجائش ہے۔

دیوان الشعرا ترکی

2011-02-17T02:41:00.000-08:00

مفردات اور تفصیل

::::: ترکی اشعار کا دیوان :::::

تعداد: ایک جلد - سیریل نمبر ۵۴۵

دیوان الشعرا ترکی
)ترکی اشعار کا دیوان(
تعداد:ایک جلد - سیریل نمبر ۵۴۵

اس دیوان کے حجم میں اضافہ ہونے کا امکان ہے جب کہ اس وقت تک مؤلف کے نزدیک صرف ایک جلد کا مواد اکٹھا ہوا ہے۔چنانچہ کتاب حاضر کے مقدمہ میں موصوف نے حسب عادت ترکی اشعار کی تاریخ ان کے اوزان ،خصوصیات اور دیگر متعلقہ امور پر گفتگو کی ہے۔اس کے بعد اشعار کو درج کیا ہے اور آخر میں دوسرے دیوانوں کی طرح اس کا بھی ایک خاتمہ قلم بند کیا ہے اس دیوان میں بھی اضافے کی گنجائش ہے۔

معجم شعراء الاردو

2011-02-17T02:40:00.000-08:00

مفردات اور تفصیل

::::: معجم شعراء الاردو :::::

تعداد: ایک جلد - سیریل نمبر ۵۴۴

معجم شعراء الاردو
)اردو شعراء کی تفصیلی فہرست(
تعداد: ایک جلد - سیریل نمبر ۵۴۴

یہ کتاب ’’معجم الشعراء الناظمین فی الحسین ؑ ‘‘اور’’معجم شعراء الدارج الناظمین فی الحسین ؑ ‘‘سے مختلف نہیں ہے بلکہ اسے ان کا تتمہ اور تکملہ سمجھنا چاہیے اور مؤلف مدظلہ نے ہر زبان کے مؤلف کیلئے ایک معجم مخصوص کی ہے۔تاکہ ہر زبان کے ادبی ذوق میں فرق نہ آنے پائے اور محقق کو کسی زبان کے شعراء کے دوسری زبان کے شعراء کے درمیان تقابلی جائزہ لینے کیلئے کسی قسم کی پریشانی کا سامنہ نہ کرنا پڑے مؤلف محترم نے اس باب کو یہیں پر ختم نہیں کیا بلکہ بہتر یہ ہے کہ یہ کہا جائے کہ موصوف نے حال حاضر میں ابھی تک اس کا مکمل طور پر اہتمام ہی نہیں کیا لہذا مستقبل میں اسکے کئی جلدوں پر مشتمل ہونے کا امکان ہے جبکہ موصوف ان شعراء کے حالات حاصل کرنے میں کوشاں ہوں گے۔

دیوان الشعر الاوردی

2011-02-17T02:39:00.000-08:00

مفردات اور تفصیل

::::: دیوان الشعر الاوردی :::::

تعداد: ایک جلد - سیریل نمبر ۵۳۳ تا ۵۴۳

دیوان الشعر الاوردی
)اردو اشعار کا دیوان(
تعداد:گیارہ جلدیں - سیریل نمبر ۵۳۳تا ۵۴۳

مؤلف محترم نے اس کتاب کو اغراض کے مطابق مرتب کیا ہے جو عوامی معاشرے میں بولے جانے کے لحاظ سے اردو زبان میں اہمیت کی حامل ہیں۔اور شعراء کے نزدیک عروض کی اصطلاح میں مروج ہیں۔ چنانچہ کتاب کی ایک قسم تو اس کے ساتھ خاص ہے۔اور باقی مواد خام سے عبارت ہے۔جس پر کام جاری ہے۔اور اب تک مؤلف کے پاس جو کچھ جمع ہو چکا ہے اس کی تفصیل کچھ یوں ہے۔
۱۔سلام کے اشعار دو جلدیں ۲۔مرثیہ کے اشعار دو جلدیں
۳۔نوحہ کے اشعار دو جلدیں ۴۔مسدس کے اشعار دو جلدیں
۵۔رباعی کے اشعارایک جلد۔ ۶۔مثنوی کے اشعار ایک جلد
۷۔اشعار کی مختلف قسمیں ایک جلد
اور یہ وہ جلد ہے جو مختلف اغراض پر مشتمل ہے یعنی اس میں غزل ،نعت،قطعہ،قصیدہ اور بعض ایسی نادر نظمیں جو امام حسین ؑ کے بارے میں لکھی گئی ہیں چونکہ مذکورہ اقسام جداگانہ طور پرایک مستقل جلد کی صورت اختیار نہیں کر سکتی تھیں لہٰذا ان سب کو ایک ہی جلد میں یکجا کر دیا گیاہے۔
مؤلف علامہ نے کتاب کی آخری جلد کو اس زبان میں کہے جانے والے حسینیؑ اشعار کی تحقیق و تنقید کیلئے مختص کیا ہے۔اور اس زبان میں کام لئے جانے والے فنون کی تصویر کشی کی ہے اور ان کی امتیازی خصوصیات کو پیش کیاہے۔اور ان تمام پہلوؤں پر روشنی ڈالی ہے جو حسینیؑ ادب کی گہرائیوں تک لے جانے کا موجب بنتے ہیں اور اس آخری جلد کو اس کتاب کے خاتمہ کی حیثیت سمجھا جائے گا۔مؤلف محترم نے اردو اشعار کے ساتھ بھی وہی طریقہ اختیار کیا ہے جو شعر قریض کے ساتھ اختیار کیا ہے البتہ اس فرق کے ساتھ کہ کتاب کے حاشیہ پر اردو کلام کا ترجمہ عربی میں تحریر کیا ہے اور یہ صورت حال ان اشعار کے ساتھ اختیار کی ہے جو عربی کے علاوہ کسی اور زبان میں کہے گئے ہیں۔
اس کتاب میں بھی اضافے کی گنجائش ہے اور ممکن ہے کہ اس کی جلدوں کی تعدادساٹھ سے بھی بڑھا دی جائے

المدخل الی الشعر الاوردی

2011-02-17T02:37:00.000-08:00

مفردات اور تفصیل

::::: المدخل الی الشعر الاوردی :::::

تعداد: ایک جلد - سیریل نمبر ۵۳۲

المدخل الی الشعر الاوردی
)اردو اشعار کے بارے میں گفتگو کا آغاز(
تعداد: ایک جلد - سیریل نمبر ۵۳۲

اس کتاب میں اردواشعار کی تمہید بیان کی گئی ہے اور اس کی مندرجہ ذیل فصول ہیں۔

۱۔اردوزبان ۲۔اردوزبان کی نشوونما
۳۔اردوزبان کی ترکیب ۴۔اردو ادب۔
۵۔اشعارکی غرض و غایت ۶۔اردو ادب میں ادیبوں کا کردار اور اردو ادب کے ادوار۔
۷۔اردوزبان کی اصلیت اور ادب ۸۔حسینیؑ اردو ادب
۹۔اردو اشعار کی بحریں ۱۰۔اردو عبارت کی پڑھائی
۱۱۔طریقہ کار۔

معجم الشعراء الفرس

2011-02-17T02:33:00.000-08:00

مفردات اور تفصیل

::::: معجم الشعراء الفرس :::::

تعداد: ایک جلد - سیریل نمبر ۵۳۰ تا ۵۳۱

معجم الشعراء الفرس
)الناظمین فی الحسینؑ (
)امام حسین علیہ السلام کے بارے میں اشعار کہنے والے فارسی شعراء کی تفصیلی فہرست(
تعداد:دوجلدیں - سیریل نمبر ۵۳۰ تا ۵۳۱

مؤلف محترم نے اس معجم کو ان فارسی شعراء کی تفصیلی فہرست کے ساتھ مخصوص کیا ہے جنہوں نے حضرت امام حسین ؑ ، ان کے اہل بیتؑ ،اور انصار و باوفا اور آپ کی مقدس انقلابی تحریک کے بارے میں کلام کو نظم کیا ہے۔اور مؤلف مدظلہ نے تقریباًایک سو شعراء کے حالات کو قلم بند کیا ہے اور ہو سکتا ہے کہ اس کی جلدیں دس سے بھی تجاوز کر جائیں۔
اس معجم میں بھی موصوف نے وہی طریقہ کار اختیار کیا ہے جو اس قسم کی دوسری کتابوں میں اختیار کیا ہے۔اور ہر شاعر کیلئے کتاب کے دس صفحے مخصو ص کئے ہیں اور اس کتاب پر ایک تمہیدی مقدمہ تحریر کیا ہے جس میں اس بات کی اہمیت پر روشنی ڈالی ہے ۔جب کہ کتاب کے خاتمہ میں فارسی اشعار پر تحقیقی روشنی ڈالی ہے۔

دیوان الشعر الفارسی

2011-02-17T02:31:00.000-08:00

مفردات اور تفصیل

::::: دیوان الشعر الفارسی :::::

تعداد: ایک جلد - سیریل نمبر ۴۷۷ تا ۵۲۹

دیوان الشعر الفارسی
)فارسی شعر کا دیوان(
تعداد:ترپن جلدیں - سیریل نمبر ۴۷۷ تا ۵۲۹

یہ کتاب ان اشعار کا مجموعہ ہے جو سبط رسول ؐ ،ان کی مقدس تحریک، ان کے پاک وپاکیزہ اہلبیتؑ اطہار اور جلیل القدر انصار کے بارے میں قرون اولیٰ سے آج تک کہے گئے ہیں۔اور چونکہ مقفیٰ اور موزون فارسی اشعار کا ظہور تیسری صدی ہجری کے آغاز میں ہوگیا تھا لہذا حسینیؑ اشعار اس سے آگے نہیں بڑھ سکے۔اور ان کو شعراء کی اصطلاحی اقسام کے مطابق مرتب کیا گیا ہے تمام دیوانوں کا عنوان ہی ’’شعر فارسی‘‘ہے لیکن ان کی تقسیم ان کی اقسام کے مطابق کی گئی ہے اور وہ مندرجہ ذیل ہے۔

۱۔ روایتی قصائد و قطعات کی اقسام اور یہ متعدد جلدوں میں ہیں۔
جلد اول:قرون اولیٰ کے اشعار،درحقیقت یہ وہ اشعار ہیں جو چودھویں اور پندرھویں صدی ہجری سے پہلے حضرت امام حسین علیہ السلام کے بارے میں کہے گئے ہیں۔بذات خود حسینیؑ اشعار کی ابتدا صفوی عہد حکومت (۹۰۸۔۱۱۴۹ھ) میں ہوئی ہے۔لیکن اس کا یہ مقصدنہیں کہ اس سے پہلے اس قسم کے اشعار نہیں کہے گئے تھے۔البتہ کثرت کے ساتھ نہیں کہے گئے تھے۔
جلد نمبر ۲تا ۱۶: یہ ان شعراء کے اشعار ہیں جن کی وفات چودھویں صدی ہجری میں ہوئی ہے ۔
جلد نمبر۱۷تا ۴۶:ان میں پندرھویں صدی ہجری میں کہے جانے والے تمام حسینیؑ اشعار موجود ہیں اور ان چھیالیس جلدوں کو قافیوں کے مطابق مرتب کیا گیا ہے۔
۲۔ سینتالیس اور اڑتالیس جلدوں میں رباعیات کو جمع کیا گیا ہے جب کہ انچالیسویں جلد مثنویات پر مشتمل ہے۔
جلد نمبر ۵۰:پچاسویں جلد تخمیس کے اشعار کا مجموعہ ہے۔جلد نمبر اکاونویں ۵۱ثلاثی اشعار پر مشتمل ہے۔
بانویں جلد:مختلف قسم کے اشعار کا مجموعہ ہے مثلاًبیت قطعہ،آزاد نظم اگرچہ نظریہ یہ تھاکہ دوبیت اور قطعات کو رباعی کے ساتھ ملحق کیا جائے کیونکہ یہ اس سے زیادہ نزدیک ہیں لیکن ان کی کثرت ایسا کرنے سے مانع ہو گئی۔
ترنپویں جلد۵۳:ان دیوانوں میں موجود مواد کی جمع بندی کی گئی ہے۔۔
یہ بات بھی پیش نظر رہے کہ مذکورہ تمام دیوانوں میں اضافے کی گنجائش ہے،خصوصاًپندرھویں صدی کا دیوان اس کے بعد چودھویں صدی کا مؤلف محترم نے ان دیوانوں کو اس صورت میں ان اشعار کے ساتھ مرتب کیا ہے جنہیں وہ اب تک جمع کر چکے ہیں۔

المدخل الی الشعر الفارسی الحسینیؑ

2011-02-16T07:53:00.000-08:00

مفردات اور تفصیل

::::: المدخل الی الشعر الفارسی الحسینیؑ :::::

تعداد: ایک جلد - سیریل نمبر ۴۷۶ تا ۴۷۷

المدخل الی الشعر الفارسی الحسینیؑ
)حسینیتؑ پر مشتمل فارسی اشعار پر گفتگو کاآغاز(
تعداد :ایک جلد - سیریل نمبر ۴۷۶

مؤلف محترم نے اس باب میں مندرجہ ذیل امور پر گفتگو کی ہے۔
۱ فارسی زبان اور اس کے مراحل
۲ فارسیوں کے نزدیک شعر کی تاریخ
۳ فارسیوں کے نزدیک کونسی قسم زیادہ قدیمی ہے ،روائتی اشعار کی یا آزاد اشعار کی۔
۴ ممتاز شعراء اور ان کا کردار۔
۵ آزاد شعراء اور اس کے معاون
۶ فارسیوں کے نزدیک حسینیؑ اشعار۔
۷ فارسی اشعار میں بحریں
۸ فارسی اشعار کی اقسام
۹ اغراض ومقاصد
۱۰ یہ دیوان

الناظمین فی الحسینؑ

2011-02-16T07:51:00.000-08:00

مفردات اور تفصیل

::::: الناظمین فی الحسینؑ :::::

تعداد: ایک جلد - سیریل نمبر ۴۷۰ تا ۴۷۵

الناظمین فی الحسینؑ
(امام حسین ؑ کے بارے میں منظوم کلام کہنے والے)
تعداد:چھ جلدیں - سیریل نمبر ۴۷۰ تا ۴۷۵

جیسا کہ پہلے ذکر کیا جاچکا ہے کہ ایک کتاب’’معجم الشعراء الناظمین فی الحسین ؑ ‘‘کے نام سے موسوم ہے اسی طرح زیر بحث کتاب بھی امام حسین ؑ کے بارے میں لکھنے والے شعراء کے نام سے ہے۔فرق صر ف یہ ہے کہ یہ کتاب علاقائی شعراء کے حالات پر مبنی ہے جب کہ وہ شعراء قریض کے ساتھ مخصوص ہے ۔مؤلف مدظلہ کے پاس تقریباً تین سو شعراء کے حالات جمع ہو چکے ہیں جنہوں نے دارج لہجہ میں حضرت امام حسین ؑ اور ان کی مقدس انقلابی تحریک ،ان کے اہل بیت اطہارؑ ،ان کے انصار باوفا کے حضور منظوم کلام کانذرانہ عقیدت پیش کیا ہے۔
مؤلف نے ان شعراء کے بارے میں بھی وہی رویہ اختیار کیا ہے جو شعراء قریض کے بارے میں اختیار کیا ہے اسی لیے یہ کتاب چھ جلدوں تک پہنچ گئی ہے اور وہ سابقہ کتابوں کی طرح یہ بھی مقدمہ اور خاتمہ پر مشتمل ہے۔

معجم شعراء الدارج

2011-02-16T07:49:00.000-08:00

مفردات اور تفصیل

::::: معجم شعراء الدارج :::::

تعداد: ایک جلد - سیریل نمبر

معجم شعراء الدارج
(شعراء دارج کی تفصیلی فہرست)

دیوان الالوان المتنوعہ

2011-02-16T07:40:00.000-08:00

مفردات اور تفصیل

::::: دیوان الالوان المتنوعہ :::::

تعداد: ایک جلد - سیریل نمبر ۴۶۷ تا ۴۶۹

دیوان الالوان المتنوعہ
(مختلف النوع اشعار کا دیوان)
تعداد :تین جلدیں - سیریل نمبر ۴۶۷ تا ۴۶۹

اس دیوان میں شعر دارج کی بیس قسمیں بیان کی گئی ہیں۔جن میں سے ہر ایک قسم بذات خودکم ازکم موجودہ صورت میں اس قابل نہیں ہے کہ اسے ایک مستقل دیوان کانام دیا جائے اور اس کی وجہ یہ ہے کہ ان اوزان کی نظم کی تعداد بہت ہی قلیل ہے۔ہو سکتا ہے کہ مستقبل میں صورت حال بدل جائے ۔ ان کو اوزان کی تعداد کے مطابق بیس قسموں پر تقسیم کیا گیا ہے۔کتاب کی پہلی جلد مندرجہ ذیل اوزان پر مشتمل ہے۔
۱۔رمل: یہ بحر تقریبا نصف دیوان کی حیثیت رکھتا ہے۔کیونکہ کتاب کا مقدمہ اور خاتمہ بھی اسی کے ساتھ مختص کیا گیا ہے ۔اس کا وزن شعر قریض کی بحر رمل کے وزن پر ہے یعنی’’فاعلاتن ،فاعلاتن،فاعلن‘
۲۔شبکھا: یہ دیوان کے پانچویں حصے کو اپنے ساتھ مخصوص کئے ہوئے ہے اس کا وزن شعر قریض کے ’’مجزوء الرمل‘‘کی مانند ہے یعنی’’فاعلاتن ،فاعلاتن‘‘اور دیوان کی تکمیل کرتاہے۔
۳:جابری: اس کا وزن بعینہ شعر قریض کے بحر رجز کی مانند ہے یعنی ’’مستفعلن ،مستفعلن مستفعلن‘‘
۴۔اصلم: اس کا تعلق بھی بحر رجز سے ہے لیکن اس کی تیسری جزو میں جدذ واقع ہوا ہے اور ’’فعلن ‘‘بن گیا ہے۔
۵۔انافتحنا: اس کا وزن ’’مستفعلن‘‘فاعلن ،فعلن،فعولن‘‘ہے اور وہ مربوع الرجز اور سریع کے درمیان کی ایک قسم ہے۔
۶۔مقطوع: اور یہ مجزوء السریع کی اقسام میں سے ایک ہے اور اس کا وزن ’’مستفعلن،فاعلن‘‘ ہے یہ بات بھی واضح رہے کہ مذکورہ چھ اقسام میں سے ہر ایک قسم کوچار فصلوں میں تقسیم کیا گیا ہے۔مقدمہ،شعر کیلئے دو فصلیں اور خاتمہ۔ دوسری جلد مندرجہ ذیل اوزان پر مشتمل ہے۔
۷۔قصیر: یہ قسم مجزوء السریع ہے جو شعر قریض میں نظم کیلئے استعمال ہوتا ہے اسکے اوزان ہیں’’مفاعیلن،مفاعیلن‘‘
۸۔عتابہ: یہ بحرہزج تام کی ایک قسم ہے جس کے تیسرے وزن میں خذف اور اس کے بعد قصر واقع ہوئی ہے اور ’’فعول‘‘کا وزن بن گیا ہے۔
۹۔ہجینی: اسکے اپنے مستقل اوزان میں اور اصولاً وہ ہزج تام سے لئے گئے ہیں جسکے پہلے وزن میں’’قلب‘‘ دوسرے میں ’’شتر‘‘تیسرے میں ’’وقص ‘‘اور’’ عقل‘‘ واقع ہوئے ہیں اب اسکے یہ اوزان ہیں’’مستفعلن، فاعلن، فعلان‘‘
۱۰۔جثعمی: یہ بحر متدارک:مخبون سے لیا گیا ہے جس میں تذییل واقع ہوئی ہے اس کے اوزان ’’فعلن، فعلن، فعلن،مفعولن‘‘ہیں۔
۱۱۔مثکل: یہ مجزوء الرجز قسم ہے جس کے پہلے وزن میں ’’عصب‘‘واقع ہوئی ہے اور وہ ’’مفعولان‘‘بن گیا ہے اور دوسرے میں’’ترفیل ‘‘واقع ہوئی ہے اوروہ ’’مستفعلان‘‘ ہو گیا ہے۔
۱۲۔متقارب: اس کے اوزان شعر قریض کے اوزان یعنی’’فعولن،فعولن،فعولن،فعولن‘‘ہیں جبکہ اسکے آخری وزن میں ’’قصر‘‘واقع ہوئی ہے۔اور وہ’’فعول‘‘بن گیا ہے ۔
۱۳۔مفتون: یہ مربوع الرجز کی ایک قسم ہے جسکے دوسرے وزن پر ’’عصب‘‘واقع ہوئی ہے اور وہ’’مفعولان‘‘بن گیا ہے ۔اور چوتھے پر ’’قطع ‘‘واقع ہوئی ہے۔اور وہ ’’مفعولن‘‘بن گیا ہے۔سوائے ہجینی کے دیگرتمام اقسام کا طریقہ کار ایک ہے۔
تیسری جلد درج ذیل اقسام پر مشتمل ہے۔
۱۴۔طردی: اسکے اصل اوزان بحر رجز اور بحر ہزج سے مل کر بنے ہیں اس کے پہلے وزن میں ’’حذف‘‘پھر ’’عقل‘‘واقع ہوئی ہے اور وہ’’فعلان‘‘بن گیا ہے جبکہ چوتھے میں’’شتر‘‘پھر’’قطع‘‘واقع ہوئے ہیں اوروہ ’’فاعل‘‘بن گیا ہے اور پہلا اور تیسرا دونوں اوزان بحر رجز سے ہیں اور کسی تبدیلی کا شکار نہیں ہوئے تو گویا سب کا حاصل یہ اوزان ہوں گے مستفعلن،فعلان ،مستفعلن،فاعل۔
۱۵۔محمولہ: یہ ایک مستقل وزن ہے جسکے اصول کا تعلق بحر منسرح کی مربوع سے ہے۔یعنی’’مستفعلن‘ مفعلولات،مستفعلن،مفعولات‘‘چنانچہ اس کے تمام اوزان پر زحاف واقع ہوا ہے اور اب اس کے اوزان یہ ہیں ’’فعلن،مفعلولان،مفعولن،فاعلن‘‘
۱۶۔یالسلفرت : یہ بھی ’’طردی‘‘کی مانند ہے البتہ اس کے جس وزن پر ’’شتر ‘‘واقع ہوا ہے اس پر دو بارہ قطع واقع نہیں ہوا اور وہ اس طریقے پر ہے ’’مستفعلن،مفعولان،مستفعلن،فاعلن‘‘
۱۷۔کصید: اس کا اصل وزن تو بحر رمل ہے جس کے دوسرے وزن پر پہلے’’تشعیث ‘‘پھر’’خبن‘‘واقع ہوا ہے اور وہ ’’فعولن‘‘بن گیا ہے۔جبکہ تیسرے پر’’حذف ‘‘واقع ہوا ہے اور وہ فاعلن ہو گیا ہے۔
۱۸۔شیالہ: اس کا اصل تو رجز مربوع ہے یعنی’’مستفعلن،مستفعلن،مستفعلن،مستفعلن‘‘لیکن اس کے پہلے اور تیسرے اوزان پر ’’قطع ‘‘واقع ہونے کی وجہ وہ ’’مفعولن‘‘بن گئے ہیں ۔
۱۹۔شموس: یہ مربوع الرمل کی ایک قسم ہے یعنی اسکے اوزان کو ’’فاعلاتن،فاعلاتن،فاعلاتن،فاعلاتن‘‘ہیں لیکن تیسرے وزن میں حذف واقع ہو اہے اور وہ ’’فاعلن‘‘بن گیا ہے۔جبکہ چوتھے میں’’قصر ‘‘اور پھر’’خبن‘‘واقع ہوئے ہیں اور وہ’’فعلان‘‘بن گیا ہے۔
۲۰۔ہوسات: یہ بھی شعر دارج کی اقسام میں سے ایک ہے اور اس کا کوئی مستقل وزن نہیں ہے ۔
مذکورہ بیسوں اقسام کے اوزان ایک مقدمہ ،اشعار اور خاتمہ پر مشتمل ہیں اور اسی کے ساتھ ہی شعر دارج کے عنوان سے بیان ہونے والی تمام اقسام مکمل ہوتی ہیں۔اور وہ اقسام بھی جوآج تک وضع ہو چکی ہیں ،حسینی اشعار کے سوا دوسری قسمیں اگر کوئی ہوں گی بھی تو وہ بہت ہی نادر اور کمیاب ہوں گی۔
اس بات کی طرف اشارہ بھی ضروری معلوم ہوتا ہے کہ شعر کی ان تمام اقسام میں اضافے کی گنجائش ہے۔

دیوان الرکبانی والنائل

2011-02-16T05:57:00.000-08:00

مفردات اور تفصیل

::::: دیوان الرکبانی والنائل :::::

تعداد: ایک جلد - سیریل نمبر ۴۶۶

دیوان الرکبانی والنائل
(دیوان رکبانی و نائل)
تعداد:ایک جلد - سیریل نمبر۴۶۶

مؤلف محترم نے ایک ہی دیوان میں شعردارج کی دو قسموں کو اکٹھا کر دیا ہے۔البتہ ہر ایک قسم کیلئے ایک خاص نام تجویز کیا ہے اور ہر قسم کو تین فصلوں پر تقسیم کیا ہے۔اول تمہید ،دوم شعر اور سوم خاتمہ۔چنانچہ شعر رکبانی پہلی قسم کیساتھ خاص ہے اور وہ بحر خفیف یا بحرمجتث کی تولیدات میں سے ہے کیونکہ یہ تین اوزان سے مرکب ہے پہلا اور دوسرا اوزن ’’مستفعلن‘‘ہے اور تیسرا’’فاعلاتن‘‘ہے اور اس کے بیت بھی رباعی ہیں۔اسی طرح شعر نائل دوسری قسم کے ساتھ خاص ہے اور اسکے اوزان ’’بحر بسیط‘‘سے تعلق رکھتے ہیں یعنی ’’مستفعلن،فاعلن،مستفعلن،فاعلن‘‘ان دونوں کو آپس میں ملانے کی وجہ یہ ہے کہ ان میں سے صر ف ایک قسم کو دوسری کے بغیر مستقل دیوان کی حیثیت نہیں دے سکتی۔
یہ دونوں قسمیں بھی دوسرے دیوانوں کی طرح قابل اضافہ ہیں۔

حسینی انسائیکلو پیڈیا

تازہ ترین چاپ شدہ کتابیں

تاريخ مزارات

HE Online

حسینیؑ انسائیکلو پیڈیا پر ایک طائرانہ نگاہ

حسینیؑ انسائیکلو پیڈیا پر ایک نظ

دارہ منہاج الحسین ؑ پاکستان

النہایہ

معجم شعراء الشرق و الغرب

دیوان الشعر الالبانی

دیوان الشعرالانکلیزی

دیوان الشعرالکجراتی

دیوان الشعرا ترکی

معجم شعراء الاردو

دیوان الشعر الاوردی

المدخل الی الشعر الاوردی

معجم الشعراء الفرس

دیوان الشعر الفارسی

المدخل الی الشعر الفارسی الحسینیؑ

الناظمین فی الحسینؑ

معجم شعراء الدارج

دیوان الالوان المتنوعہ

دیوان الرکبانی والنائل